Andleg og líkamleg heilsa
Aðild að FHSS opnar á fjárhagslega aðstoð vegna heilbrigðisþjónustu eða langvarandi fjarveru frá vinnu vegna veikinda. Sjúkra- og styrktarsjóðir greiða fyrir sérfræðiráðgjöf og útlagðan kostnað. Styrktarsjóður BHM er fyrir félagsmenn sem starfa á opinberum vinnumarkaði og Sjúkrasjóður BHM er fyrir félagsmenn sem starfa á almennum vinnumarkaði.
Styrktarsjóður
Hlutverk Styrktarsjóðs BHM er að styrkja sjóðsfélaga og koma til móts við tekjutap vegna ólaunaðrar fjarveru frá vinnu sökum veikinda og slysa, styðja við endurhæfingu og forvarnir af ýmsum toga og koma til móts við útgjöld vegna andláts sjóðsfélaga.
Rétt í Styrktarsjóð eiga þeir sem greitt hefur verið fyrir styrktarsjóðsframlag í samtals 6 mánuði þar af 3 samfellda.
Sjóðurinn veitir styrki til félagsmanna vegna tekjutaps vegna ólaunaðrar fjarveru frá vinnu sökum veikinda og slysa. Þá veitir sjóðurinn einnig styrki vegna endurhæfingu og forvörnum af ýmsum toga. Auk þess koma styrkir sjóðsins til móts við útgjöld vegna andláts sjóðfélaga.
Sjóðurinn greiðir sjóðfélögum sjúkradagpeninga vegna tímabundins tekjutaps sjóðfélaga sökum óvinnufærni sökum veikinda eða slysa.
Umsóknarferli
Umsóknum í Styrktarsjóð skal skilað rafrænt á Mínum síðum á vef BHM. Starfsmenn sjóðsins afgreiða umsóknir samkvæmt úthlutunarreglum.
Allir umsækjendur fá svarpóst þar sem fram kemur hvort umsóknin hefur verið samþykkt eða ekki og hvaða gögnum þurfi að skila til þess að unnt sé að greiða styrkinn út.
Upplýsingar og aðstoð
Starfsmenn Þjónustuvers sjóða BHM veita upplýsingar og aðstoð vegna umsókna um styrki úr Styrktarsjóði.
Sími: 595 5100
Netfang: sjodir@bhm.is