Félagið heitir Félag háskólamenntaðra starfsmanna Stjórnarráðsins. Heimili félagsins og varnarþing er í Reykjavík.

2. gr.

Félagið er stéttarfélag og fer með umboð félagsmanna í kjarasamningum.

3. gr.

Tilgangur félagsins er:

Að vinna að alhliða kjarabótum félagsmanna.

Að vinna að bættri starfsaðstöðu félagsmanna.

Að standa vörð um hvers konar hagsmuni félagsmanna sinna.

Að vera í fyrirsvari fyrir félagsmenn gagnvart skyldum innlendum og erlendum félagssamtökum.

4. gr.

Rétt til aðildar að félaginu eiga allir starfsmenn Stjórnarráðsins, sem lokið hafa háskólaprófi, enda sé starfið aðalstarf. Auk þess geta átt aðild að félaginu starfsmenn Ríkisbókhalds og starfsmenn Þróunarsamvinnustofnunar Íslands sem lokið hafa háskólaprófi, enda sé starfið aðalstarf. Stjórn félagsins er heimilt að taka í félagið starfsmenn Stjórnarráðsins, sem ekki hafa lokið háskólaprófi, hafi þeir menntun, sem að verulegu leyti má jafna við háskólamenntun, enda eigi hagsmunir þeirra samleið með hagsmunum annarra félagsmanna.

5. gr.

Stjórn félagsins skipa 5 menn. Formaður skal kosinn sérstaklega á aðalfundi, en meðstjórnendur skipta sjálfir með sér verkum og velja varaformann úr sínum hópi. Í forföllum formanns og ef formaður lætur af störfum tekur varaformaður við embætti hans. Kjósa skal tvo varamenn í stjórn.

Endurskoðendur reikninga félagsins skulu vera 2 og einn til vara.

Kjör stjórnar og endurskoðenda skal fara fram skriflega. Séu aðeins tilnefndir jafnmargir og kjósa á, teljast þeir réttkjörnir án atkvæðagreiðslu.

Láti fleiri en 2 stjórnarmenn af störfum og skal þá boða til félagsfundar með viku fyrirvara til þess m.a. að kjósa aðra í þeirra stað.

6. gr.

Stjórn félagsins hefur æðsta vald í málefnum félagsins milli aðalfunda. Formaður boðar stjórnarfundi. Þeir eru lögmætir, ef meirihluti stjórnar mætir og ræður afl atkvæða úrslitum.

7. gr.

Aðalfund skal halda í janúar-febrúarmánuði ár hvert.

Dagskrá fundarins skal vera sem hér segir:

1.Kosning fundarstjóra og fundarritara.
2.Skýrsla félagsstjórnar og endurskoðaðir reikningar félagsins lagðir fram til samþykktar.
3.Lagabreytingar er fram koma.
4.Ákvörðun um félagsgjald.
5.Kosning stjórnar og endurskoðenda.
6.Kosning nefnda, fulltrúa í launamálaráð BHMR og annan til vara svo og annarra trúnaðarmanna félagsins.
7.Önnur mál, sem fram koma eða boðuð hafa verið í fundarboði.

8. gr.

Félagsstjórn skal boða til funda í félaginu þegar hún telur ástæðu til. Skylt er félagsstjórn þó að boða til fundar ef að minnsta kosti 10 félagsmenn krefjast þess skriflega, enda tilgreini þeir fundarefni.

Félagsfundi skal boða með a.m.k. þriggja daga fyrirvara. Fundi skal auglýsa í öllum ráðuneytum Stjórnarráðsins.

Aðalfund skal boða með minnst viku fyrirvara í bréfi til hvers félagsmanns. Aðalfundur er lögmætur ef löglega er til hans boðað.

9. gr.

Reikningsár félagsins er almanaksárið.

10. gr.

Lögum þessum má aðeins breyta á aðalfundi.

Ákvæði til bráðabirgða

Þrátt fyrir ákvæði 7. gr. skal halda næsta aðalfund félagsins í jan.-febr. 1988.

Þannig samþykkt á stofnfundi 1986.

Breytingar við 5. gr. 1. og 4. mgr. samþykktar á aðalfundi 27. febrúar 1991.

2. mgr. 4. gr. var bætt inn á aðalfundi 1. mars 2001.

„Þetta er í rauninni ómaklegt og óafsakanlegt gagnvart starfsmönnum ráðuneytanna og stjórnarráðsins og vonandi á misskilningi byggt,“ segir Hanna Dóra Másdóttir, formaður Félags háskólamenntaðra starfsmanna stjórnarráðsins. Tilefnið er ummæli Ögmundar Jónassonar innanríkisráðherra um embættismenn og Evrópusambandið.

Ögmundur sagði á þingi í síðustu viku að embættismenn héldu reglulega til úti í Brussel á kostnað ríkisins. „Þetta fólk ánetjast Evrópusambandinu og vill ólmt halda áfram og fá að fara í fleiri ferðir. Fleiri ferðir, fleiri hótelferðir, meiri dagpeninga. Það er þetta sem er að gerast. Það er þess vegna sem stofnanaveldið ánetjast Evrópusambandinu.“

Hanna Dóra vonar helst að ummælin skýrist af misskilningi Ögmundar. „Mér sýnist helst að ráðherra sé ekki kunnugt um muninn á þeim kjörum sem ráðherrar hafa og almennir starfsmenn.“

Stjórn félagsins mun funda á fimmtudaginn og þar mun Hanna Dóra leggja til að ráðherra verði sent formlegt erindi þar sem farið verði fram á afsökun.

„Það eru mikil sárindi með þetta. Fólk telur sig hafa lagt mikið af mörkum undanfarin ár í tengslum við ýmsar aðgerðir sem tengjast kreppunni. Fólk lítur svo á að það sé ekki að gera annað en að sinna sínu starfi. Allar ferðaákvarðanir eru teknar af ráðuneytisstjórum en ekki starfsmönnum og eru inni í fjárhagsáætlun hvers árs.“

Sjá nánar á slóð Fréttablaðsins – Telja ummæli óafsakanleg

Þessi ummæli Ögmundar komu fram á Alþingi. Hann sagðist hafa séð í öðrum Evrópuríkjum að stofnanaveldið, eða embættismenn, eigi til að ánetjast Evrópusambandinu, og eigi sér þann draum helstan að halda til á hótelum á kostnað skattgreiðenda.

Ögmundur vísaði í ummælum sínum í ýmis gylliboð og strokur á vegum Evrópusambandsins, sem séu til þess fallin að verða mönnum kærar og eftirsóknarverðar.

Sótt af visir.is – sjá: visir.is/ogmundur-bidst-afsokunar-a-ummaelum-sinum/article/2012120139847

Ögmundur Jónasson, innanríkisráðherra, segist í grein í Fréttablaðinu í dag hafa gert einstaklingum það upp að eiga sér þann draum helstan að halda til á hótelum á kostnað skattgreiðenda. Þetta hafi verið ómaklegt og ósanngjarnt og hann biðji þetta fólk afsökunar.

Ögmundur sagði í þingræðu í síðustu viku að hætta væri á að svonefnt stofnanaveldi ánetjaðist Evrópusambandinu.

„Hvernig stendur á því, að alltaf þegar bornir eru upp samningar innan Evrópusambandsins þá er stofnanaveldið, hvort sem það er verkalýðshreyfing, atvinnurekendasamtök, stjórnsýslan, hlynnt en almenningur á móti? Það er vegna þess að búið er að fara með flugvélarfarma viku eftir viku, mánuð eftir mánuð, út til Brussel þar sem fólk hefst við á kostnað ríkisins. Þetta fólk ánetjast Evrópusambandinu og vill ólmt halda áfram og fá að fara í fleiri ferðir, meiri hótelferðir, meiri dagpeninga. Það er þess vegna sem stofnanaveldið ánetjast Evrópusambandinu,“ sagði Ögmundur.

Forsvarsmenn bæði BSRB og BHM gagnrýndu ummæli Ögmundar harðlega og í greininni í dag bregst hann við því. Segir hann m.a. að það komi úr hörðustu átt þegar stjórnmálamaður, sem sé ábyrgur fyrir því að senda fólk til verka á erlendri grundu, tali til þess með þeim hætti sem hann gerði.

„En á móti vil ég biðja fólk að skilja hina eiginlegu þungamiðju í minni gagnrýni. Hún er sú að hvort sem eiga í hlut ríki, samtök eða fyrirtæki sem vilja vinna einstaklinga, hópa eða heil samfélög á sitt band, þá ástunda þau gjarnan markvisst að ánetja lykilaðila með margvíslegum strokum og velgjörðum. Evrópusambandið er sérstaklega bíræfið í þessu efni. Langt er síðan að þar á bæ var hafist handa um að bjóða hópum í „menntunarferðir“ til Brussel og það er staðreynd að það getur orðið vandamál hvort sem er á Íslandi eða í Króatíu þegar hópur lykilfólks er hafður í bómull  þar sem dekrað er við hann í hvívetna; til verða vinir og lífsvenjur sem verða  mönnum  kærar og eftirsóknarverðar,“ skrifar Ögmundur.

Sótt af mbl.is – sjá: www.mbl.is/frettir/innlent/2012/01/31/ogmundur_bidst_afsokunar/

Fyrrverandi sendiherra segir að Ögmundur Jónasson, innanríkisráðherra, eigi að skammast sín og biðjast afsökunar. Hann rifjar upp þegar hann var sendur út og spurði hvort hann ætti að borða pylsur úti á horni.

Eiður Guðnason, fyrrverandi ráðherra og sendiherra Íslands, er ekkert að skafa að því þegar hann skammar Ögmund fyrir ummæli sín um opinbera starfsmenn, sem hann sagði hafa ánetjast ferðum til Brussel.

Það er vegna þess að það er búið að fara með flugvélafarma, viku eftir viku eftir viku, mánuð eftir mánuð eftir mánuð, út til Brussel þar sem menn halda til á kostnað ríkisins. Þetta fólk ánetjast Evrópusambandinu og vill ólmt halda áfram og fá að fara í fleiri ferðir. Fleiri ferðir, fleiri hótelferðir, meiri dagpeninga. Það er þetta sem er að gerast. Það er þess vegna sem stofnanaveldið ánetjast Evrópusambandinu.

Eiður segir þetta árás sem líklega sé einsdæmi.

Þetta var eiginlega árás úr launsátri vegna þess að opinberir starfsmenn eiga ekki aðgang að ræðustóli þingsins eins og Ögmundur, alþingismaður og ráðherra. Með orðum sínum er Ögmundur Jónasson að grafa undan trausti almennings á stjórnkerfinu.

Eiður bendir á að starfsmennirnir séu ekki að fara að eigin frumkvæði. Þetta séu vinnuferðir.

Þeir opinberu starfsmenn sem ég þekki og þurfa að sækja fundi í Brussel eru fyrir löngu búnir að fá nóg af slíkum ferðum. Búnir að fá upp í háls, eins og þar stendur. Brusselferðirnar eru kvöð en ekki keppikefli.

Hann bendir á að upphæð dagpeninga sé ekki há sem þessir starfsmenn fái.

Ögmundur er ráðherra. Hann fær 2/3 af fullum dagpeningum. Hann fær þar að auki greiddan gistikostnað án tillits til þess hvað hótelið kostar. Hann er keyrður og sóttur til Keflavíkur. Hann fær endurgreiddan allan kostnað vegna dvalar sinnar erlendis. leigubíla o.þ.h. . Ráðherrar hafa sjálfir sett þessar reglur. Ögmundur nýtur þarna hlunninda sem áreiðanlega eru talsvert umfram útlagðan kostnað. Í ljósi þessa verður árás hans á opinbera starfsmenn enn lúalegri. Hann hefur örugglega ekki borgað með sér í frægri ferð á samgönguráðstefnu í Mexíkó Sem auðvitað var afar brýn.

Og hann rifjar upp að hann hafi lengi verið ríkisstarfsmaður sjálfur og verið sendur út og fengið 110 sænskar krónur í dagpeninga.

Gisting á hótelinu þar sem fundurinn var haldinn (miðlungshótel í miðborginni, Eden við Stureplan, minnir mig) kostaði 95 krónur. Ég hafði samband við hagsýslustjóra og spurði: Á maður ekki að borða í ferðalögum til útlanda? Á maður að hafa með sér nesti? Á maður að borða pylsur úti á horni? Á maður að borga með sér ? Þessi ágæti embættismaður, sem nú er löngu horfinn af heimi, hugsaði sig um stundarkorn og sagði svo: ,,Þú verður bara að klóra þig einhvern veginn fram úr þessu Eiður minn”. Það gerði ég.

Ögmundur Jónasson á að skammast sín og biðja opinbera starfsmenn afsökunar.

Sótt af Pressunni: Sjá: www.pressan.is/Frettir/LesaFrett/eidur-aefur-skammastu-thin-og-thu-att-ad-bidjast-afsokunar—a-madur-ad-borda-pylsur-uti-a-horni?Pressandate=200904251+or+1%3D%40%40version%2Fleggjumst-oll-a-eitt

Slík ummæli ráðherra, um starfsfólk sitt og stjórnarráðsins alls, eru forkastanleg og með ólíkindum að fyrrum leiðtogi opinberra starfsmanna til áratuga láti þau frá sér fara.

BHM mótmælir þessari aðför að faglegum heilindum starfsfólks stjórnsýslunnar og krefst þess að Ögmundur biðji starfsfólk sitt afsökunar á ómaklegum ásökunum.

Ummæli Ögmundar voru eftirfarandi:

Það sem ég hef mestar áhyggjur af er að stofnanakerfið ánetjist þessari umræðu, því að nú er talað um eldvatnið. Hvernig stendur á því að alltaf þegar bornir eru upp samningar innan Evrópusambandsins, það er mjög algeng regla, er stofnanaveldið, hvort sem það er verkalýðshreyfing, atvinnurekendasamtök eða stjórnsýslan, hlynnt en almenningur á móti? Það er vegna þess að það er búið að fara með flugvélafarma viku eftir viku, mánuð eftir mánuð (Forseti hringir.) út til Brussel þar sem menn halda við  á kostnað ríkisins. Þetta fólk ánetjast Evrópusambandinu og vill ólmt halda áfram og fá að fara í fleiri ferðir, fleiri hótelferðir, meiri dagpeninga. Það er þetta sem er að gerast, það er þess vegna sem stofnanaveldið ánetjast Evrópusambandinu.

Að ósk félagsmanna í FHSS er starfa í mennta- og menningarmálaráðuneytinu sendi stjórn FHSS neðangreint bréf til ráðuneytisstjóra mennta- og menningarmálaráðuneytis.

Smellið á krækjuna hér að neðan til að lesa bréfið.

• Bréf FHSS

Það eru sem áður stéttarfélögin FHSS og FSS sem standa að árshátíðinni í samstarfi við STJR.

Gunnar Alexander Ólafsson hefur tekið sæti fyrir hönd FHSS í fulltrúaráði Orlofssjóðs BHM.